Mayornan Ta Puntra: Kico Ta Disciplina?

mayor educador kico ta disciplina helen guda disciplina consciente aruba workshop pa mayor training conscious discipline teachers educador

Ora nos ta papia di disciplina, hopi hende ta pensa di biaha na reglanan. Mucha mester por cumpli cu regla, mucha mester scucha, y mucha mester cumpli cu nan tarea. Y berdad, tur eseynan ta parti di disciplina. Pero si bo wak hopi biaha kico ta e herementnan cu mayornan y educadornan ta kere cu nan por usa pa siña muchanan scucha, ta splica.

Nos ta gusta duna splicashon na mucha di kico, pakico un cos mag y pakico no. Hopi biaha ora un mucha no hasi’e, mayornan ta dunanan straf. Tin biaha mayornan ta purba motiva e mucha. Nan ta bisa “Okay, si bo hasi tal y tal mi ta dunabo, of nos ta bay McDonald’s, bo ta haya un coi hunga.” Tin mayornan cu hasiendo esaki, bo por bisa ta cumpra nan yiu.

Nan ta bisa “Si bo ta asina lief bo ta haya esey”, of “Si bo no scucha mi ta kita esey” — tur esakinan en realidad ta menasa. Mayoria di mayor ta usa medionan asina y sa cu nan no ta traha, of nan ta traha un rato, nan por spanta e mucha pa un rato, pero despues toch den e mucha bo no ta ripara un cambio di comportacion. Esey tin di a ber cu e manera cu mayor y educador ta mira disciplina.

Pa hopi, disciplina ta algo cu ta di pafor di e mucha — y ta hunga un rol di coregi comportacion en bes di guia e mucha na un manera positivo di comporta. Concious Discipline, cu ta desaroya dor di Dr. Becky Bailey, ta siña nos cu disciplina ta algo cu ta desaroya den e mucha, den e persona. Pero kico esaki kermen?

Algun ehempel di disciplina cu ta den e persona:

  • Ami mester siña cu ora mi tin un tarea pa hasi, maske cu mi no ta guste, mi ta haci mi esfuerso pa cumpli cu ne.
  • Ami mester siña tin mi bida na ordo pa mi planea mi tempo.

Hopi hende grandi mes tin dificultad cu tipo di cosnan asina, imaginabo un mucha. Pa mucha disciplina ta un habilidad cu nan tin cu desaroya, e no ta algo cu ta bin den un solo biaha. Por ehempel, un mucha cu ta gusta core rond y move hopi, no ta paso bo a bise “Stop!”, e lo logra haci’e di su mes otro biaha. Loke e mucha tin cu siña ta “Mi tin gana di hasi algo, pero aworaki no por”.

 “pa tin exito y cooperacion bo mester puntra “Con ta desaroya disciplina den mucha?”

Esey ta algo hopi grandi pa un mucha siña y djis splika no ta bay cambia e mucha de un bes. Esaki ta conta den especial pa mucha bou di ocho aña, splicashon tin efecto hopi limita. Y ta pesey hopi mayor no tin hopi exito, y ta haya nan mes ta splica tur dia, mas di un biaha, y nan ta bira frustra. Pakico? Pasobra muchanan no ta corda.

Hopi biaha, mayornan ta haya nan mes ta puntra mucha si nan no ta scucha, pensando cu pasobra nan a tende nan mester por corda 20 minuut despues of e dia despues. Asina hopi mayor ta cansa, sinti frustra y ta sinti manera nan no ta logra nan meta di siña nan jiu comporta. Esaki ta afecta educadornan cu ta haya nan mes ta ripiti mes un instruction dia aden y dia afo sin mira cambio den un mucha.  No laga esaki convencebo cu bo nunca lo logra cu bo jiu ta comporta manera bo ta purba di siñe. Bo por tin exito!

Den e proximo articulo, mi lo bay den detaye y splica cua hermentnan bo por usa pa yuda guia bo jiu y bin na un situacion mas calmo y balansa. tuma e oportunidad aki, pa observa con bo jiu ta reaciona ora bo keda calmo y ta record’e di loke bo a bis’e.

Bin bek y lagami sa con a bay of post bo pregunta riba nos Facebook page: www.facebook.com/developtogrow

Bo a disfruta di e articulo aki? Comparti’e riba Facebook click aki –> Share

Helen Guda is passionate about making the lives of children better. That’s why she helps parents develop the skills to educate their children and develop the skills needed to live a full happy life.

As a Certified Conscious Discipline Instructor on Aruba, Helen is always teaching in Papiamento. And so, her posts are in the local language. All the posts are also available in English on this website.

Submit a Comment

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

%d bloggers like this: