Pakico Disciplina Consciente?

20130427_111657

Den workshopsnan di Conscious Discipline regularmente mayornan y educadornan sa haci preguntanan cu ta bai den direccion di “Pero pakico eigenlijk mester tin un manera otro, nobo, diferente pa discilplina nos yiunan, pa educa nos yiunan?” Of bo ta scucha hende ta bisa “Si, esaki ta algo toch cu, ya, m’a hasi hopi tempo caba.”

Disciplina Consciente no ta algo completamente nobo. E ta haci uso di elementonan existente di educacion, sigur. Pero, loke ta tipico ta cu nos tur, ora bo ta pensa bek, nos a haci uso di nos mes un material, telefon, television, cu ta 50 aña of 25 aña bieuw, no. Ora nos bai serca un dokter hasi uso di remedinan, maneranan di hasi onderzoek mas moderno, tin desaroyo riba tur tereno technologico, pero tambe si nos djis pensa e manera cu nos ta comunica cu otro awendia, manera emails y Facebook.

Tipo di cambionan asina ta cambia e manera cu nos ta anda cu otro tambe. Nos comunidad pa cu nos muchanan a cambia drasticamente. El’a cambia den sentido cu nos famianan ta bin den hopi manera diferente. Nos tin hopi mas tipo di famia. Caminda antes tawatin hopi mas famianan tradicional, awendia tin hopi cambio den esey. Bo tin menos tempo pa educacion paso mayornan ta mas envolvi den trabou. Tin hopi mas otro hende ta wak pa bo yiu cu bo mes, of bo famia. Muchanan ta haya acceso na hopi informacion, dus nan ta hopi na television, nan ta hopi na computer, nan ta haya hopi informacion via nan telefon, etcetera. Nan tin menos tempo cu nan por bai hunga pafo, nan so, nos pensamentonan a cambia over di esey. Dus eigenlijk e situacion cu nos yiunan ta lanta aden compara cu esun cu nos a lanta den, of cu nos mayornan a lanta den, ta hopi diferente.

E diferencianan ey ta pidi di mayornan tambe, of pidi di nos como adulto of como educador, pa nos para keto na e forma di educacion tambe. E ta exigi algo otro, e ta pidi algo otro. Djis un ehempel: Un mayor ta puntrami “Ki tempo mi tin cu cuminsa duna educacion sexual?” Hopi biaha mi ta puntranan “Cuanto aña bo yiu tin?” Nan por bisami ocho, 9, mi ta bisanan “Bo sa? Bo ta laat caba.” Kiko mi kiermeen cu esey? E informacion cu nos yiunan ta haya tur caminda cu nan por haya informacion ta dunanan asina hopi informacion, si abo como mayor no ta guia e parti ey, bo ta laat.

Loke mi no kiermeen e ora ey ta cu bo mester laga bo yiu wak tur sorto di cos, inclui informacion sexual, no. Pero loke si t’asina, ta cu hopi jong bo tin cu cuminsa habri e comunicacion cu bo yiu tocante tur sorto di cos. Okay, esey ta djis un pida chikito.

Educacion social emocional, loke Concious Discipline ta duna, ta e parti con e mucha tin cu bai om cu tur emocionnan. Cu su mes un comportacion, cu comportacion di otronan, y esey a cambia tambe. Pasobra, uno: bo bida, nos bida ta mas druk, nos yiunan ta mas druk. Con nos ta bai om cu esey?

Esey bo no por a siña f’ey bo mama, pasobra e situacion tawata diferente. Of antes nos tawata tape boca di mucha, of nos tawata dal mucha. Nos sa awor cu eseynan tin mal efecto, nos tin cu busca otro manera. Anto eynan bo ta mira cu hopi mayor, educador, no sa kiko si. Si e mucha ta duna un comportacion cu ta dificil, por ehempel e no ta scucha of e ta druk, nan no tin un idea kiko otro, anto eynan bo ta mira cu nos mester otro forma di anda cu nos yiunan, otro forma di anda cu nos mes.

Anto esey Conscious Discipline ta duna, eigenlijk compara cu hopi otro metodonan Conscious Discipline ta bai hopi mas profundo den splicabo cu, si, mi por splicabo con pa hasi otro, paso tin hopi otro metodo cu ta duna otro forma di educa. Hopi biaha e metodonan ey no ta splica abo con pa cambia, anto si ami ta un hende cu por ehempel, mi ta rabia paso un mucha tin un cierto comportacion, paso mi ta impaciente, for di mi rabia y mi impasenshi mi no ta hopi sabi. Mi no ta hopi sabi con pa soluciona e problema. Anto Conscious Discipline ta siñabo calma bo mes prome, drenta den bo estado di calma.

Mi ta bai splicabo otro biaha mas hopi over di esey. Anto for di e estado ey bo ta mas sabi y bo por soluciona e problema, bo por papia trankil cu bo yiu enbes di zundre of grite. Paso zundra ni grita n’e momento ey no ta yuda. Sea e mucha ta core bai, of e ta spanta si, pero otro biaha e ta ripiti loke e ta haciendo. Loke bo kier logra ta cu bo yiu en berdad ta calma y ta scuchabo. Pero bo yiu no por calma si abo no ta calmo. Dus Disciplina Consciente ta duna nos un forma otro, un forma nobo pa nos wak educacion. E ta duna nos habilidadnan otro con pa handle cu informacion.

Naturalmente ey den tin elementonan cu ta conoci di antes, por ehempel regularidad y structura, y lo tin otro cosnan cu ta diferente, con bo ta wak informacion tocante con nos celebronan ta traha y con nos por anda cu nos mes un estado emocional. Tocante esey nos lo papia otro biaha.

Submit a Comment

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

%d bloggers like this: